Дзесяцікласнікі школы праходзяць вучэбна-палявыя зборы

У школе з 01.06.2022 па 07.06.2022 г. прайшлі ваенна-палявыя зборы.

На занятках юнакi 10 класа пазнаёміліся з сучасным узбраеннем і ваеннай тэхнікай беларускай арміі, былі вывучаны меры бяспекі пры абыходжанні са зброяй і выкананы практыкаванні па стральбе з пнеўматычнай вінтоўкі. Вывучана матэрыяльная частка зброі і яе прымяненне. Здадзены нарматывы па фізічнай, страявой падрыхтоўцы і ваеннай тапаграфіі.

Дзяўчыны 10 класа праходзілі медпадрыхтоўку.  Мэта   медыцынскай падрыхтоўкі- фарміраванне ў вучняў ведаў пра  розныя  захворванні  і атручванні, пра  здаровы  лад жыцця, ўменняў па  аказанні першай  дапамогі пры траўмах і няшчасных выпадках, па  доглядзе хворых і пацярпелых. 

 Паслядоўнасць праходжання тэм  праграмы па  медыцынскай  падрыхтоўцы  на  практычных занятках  здзяйсняецца  па  наступных раздзелах:

1. Першая  дапамога пры траўмах і няшчасных выпадках

2. Лекавыя прэпараты  і  расліны

3. Медыцына  надзвычайных  сітуацый

Дзяўчыны вучыліся накладваць  першасныя павязкі на  правае (левае) вока,  правае (левае) вуха, лакцевы, (плечавы), каленны, галенкаступневы суставы. Вучыліся правільна накладываць жгут, закрутку. Дзяўчынкі спраўляліся з пастаўленымі  задачамі ў адведзены час па нарматывах.

Пры разгледжанні раздзела “Лекавыя расліны” дзяўчынкамі  быў прадстаўлены матэрыял аб лекавых раслінах нашай мясцоваці,  спосабы ўжывання, правілы і час збору, захоўванне сыравіны. Таксама пазнаеміліся з пакаевыі лекавымі  раслінамі: альяс, пасіфлора, каланхоэ. Была праведзена экскурсія па вывучэнню відаў лекавых раслін.