Дзень беларускага пісьменства

У адпаведнасці з Указам Прэзідэнта Рэспублікі Беларусь ад 26 сакавіка 1998 г. нумар 157 "Аб дзяржаўных святах, святочных днях і памятных датах у Рэспубліцы Беларусь" (у рэд. Указа Прэзідэнта Рэспублікі Беларусь ад 9 красавіка 2024 г. нумар 141 "Аб змяненні Указа Прэзідэнта Рэспублікі Беларусь») у першую нядзелю верасня штогод адзначаецца Дзень беларускага пісьменства.

Дзень беларускага пісьменства - адно з самых яркіх культурных свят Рэспублікі Беларусь, якія адзначаюцца на высокім дзяржаўным узроўні. Традыцыйна свята праводзіцца ў гарадах – цэнтрах асветы, культуры і кнігадрукавання, месцах з багатай гістарычнай спадчынай, з якімі непарыўна звязаны жыццё і дзейнасць выдатных дзеячаў Беларусі розных часоў. У гэты дзень мы аддаём даніну павагі нашым продкам, якія стварылі фундамент беларускай адукацыі і пісьменства.

XXXI Дзень беларускага пісьменства прайшоў у г. Івацэвічы Брэсцкай вобласці 31 жніўня і 1 верасня 2024 года.